Die Mundart der Grafschaft Glatz (Schlesien)

Inhaltsübersicht 2005

Monat, Jahr

Gedicht des Monats

Weihnachtsgedicht 2005

Ewiech jonge Weihnachtszeit

Dezember 2005

Feindliche Iebernahme

November 2005

Novembertage
Laut Beipackzettel

Oktober 2005

Noie Ärnte, noie Soote
Der Putterdieb

September 2005

Herbstlaub

August 2005

Wunschdenken
Zom Neuroder Traffa

Juli 2005

Kartoffan on Putter

Juni 2005

Nordic-Walking

Mai 2005

Frühlingswonne

April 2005

Doas Ährfärchtieche Telefon

März 2005

Kritisch betrachtet

Februar 2005

Eim Schoppingzenter

Januar 2005

Solidarität

Neujahrs-Gedicht 2005

Ein neues Jahr

Weihnachtsgedicht 2005

Ewiech jonge Weihnachtszeit

Kommt har! Satt hie,
Woas doo eim Kreppla leit,
Doaß hoot vu Senda ons befreit!

Satt hie! Satt har,
Doas Heil der Welt,
Hoot siech ganz onder ons gesellt!

Kniet hie! Kniet hie,
On gläubiech batt,
Ver daam, off daan mer doch gewatt!

Haalt oa! Haalt oa,
Tutt Euch besenna,
Ihr kennt derbeine bloos gewenna!

Denkt nooch! Haalt feste,
Doaß se ons bleit,
Die ewiech jonge Weihnachtszeit!

Erhard Gertler

Gedicht des Monats Dezember 2005

Feindliche Iebernahme

Länger oarbta sell mer oalle!
Iebersch Rentenaalder naus!
Hach! Mier Rentner ei daam Foalle,
Hoan doch doas schon lange raus!

Jeder hoot sei eijne Färma!
Jeder hoot ei eijnes Schema!
On die Oarbt die tutt siech tärma,
Ob bei der "Machma, Tuma, Gema." *

Obs äm poast, obs äm gefällt,
Ob ma wiel oder a nee,
Ma werd einfach oagestellt,
On doas Delle ies der Dreh.

Etza hoan, - war koans dermassa?
Männ Arbeitgeber iebernacht,
Die Hädschfongs werkliech uufgefrassa!
- Nä, woas die Wärtschoaft oalles macht? -

Asuweit iss etz schonn gekomma,
- On iech koan blooß drieber lacha! -
Iech bien vu der "Warschte" iebernomma:
"Du! Doas warschte etza macha!!!"

Erhard Gertler

* Mach mal! Tu mal, Geh mal!

Gedichte des Monats November 2005

Novembertage

Novembertage, Wetterplage,
Schwerer Nebel drückt das Dach,
Und im Herzen ohne Frage,
Türmt sich auf ein Weh und Ach.

Schwermütig sind die Gedanken
Und die Welt verfinstert sich.
Jeder Gleichmut kommt in's Wanken,
Es regiert das triste Ich.

Nichts, gar nichts scheint zu erfreuen,
Es quält sich hin, zum Überdruß.
Abschied will das Jetzt erneuern,
Wie ein schmerzhaft letzter Kuß.

Doch es blitzt am fernen Ende,
Noch der Funke - Hoffnung - auf.
Das sich alles wieder wende,
So, wie es des Lebens Lauf.

Erhard Gertler

Laut Beipackzettel

Ach, man ist als alter Mann,
Heut zu Tage übel dran.
Denn man wird, rein wie besessen,
An der Jugend nur gemessen.
Und das Gleiche gilt genau,
Nun einmal für jede Frau.

Betrüblich wird jedoch die Sache,
- Auch wenn man darüber lache, -
Wenn im Bei-Pack-Zettel steht,
Wie weit die Altersgrenze geht.
Mit Siebzig endet, du kannst wetten,
Die Gefahr, durch die Tabletten.

Da ist es dann nicht mehr schlimm,
"Eine mehr? Wenn ja? Dann nimm!"
Denn ab Siebzig ist's egal,
Keine Rolle spielt die Zahl.
Aus bleibt scheinbar jede Wirkung,
Wie auch jede Nebenwirkung.

Selbst, wenn man es kaum noch fasse!
Entlastet wird die Krankenkasse.
Und das Ganze macht auch Sinn,
Denn mit Siebzig bist du hin.
Nach dem Bei-Pack-Zettel lesen,
- Futschikato und gewesen. -

Erhard Gertler

Gedichte des Monats Oktober 2005

Noie Ärnte, noie Soote

Gruuße, vuule, bunte Kärbe,
Sein eim Herbst doas schinnste Erbe.
Weil ma eim Joahr siech nee geschuunt,
Werd die Oarbt etza beluhnt.

Nischt eim Laaba ies emsoste,
Woas geplfeecht Du host, doaß hoste!
Denn woas bodenfeste ies,
Joa, doaß bleit Der, ganz gewieß!

Ganz ägal woas De geseet,
Woas ei die Zukonft Du geleet,
Woas eigeworzelt, Du, doaß bleit,
Nooch fer lange, lange Zeit.

Du mußt pfleecha, Du mußt seen,
Sooma fer die Zukonft leen,
Bes die Keima Frichte trään
Danne koannst Diech drieber frään.

Denn war wääß denn hoite ärndt,
Woas ar geseet, doas ar's a ärnt?
Ohne Frooje folcht daam Roote:
- Noie Ärnte, noie Soote. -

Erhard Gertler

Der Putterdieb

Es woar schonn koomsch, emmer wenn Franzla aus'm Eberdorfe doo gewaast woar, fahlte a Klempla Putter aus'm Gewälbe. Seit daam Speetherbste ging doas schonn asu. Nu koam Franzla ju efter, oaber weil doas met da Fleckoarbt oals Mäuer, eim Wenter, nee asu laafa wulde, wurda die Besuche beim Schendler Pauer häfflicher. Blooßiech die se wurda kerzer! Asu korz, doas ar erscht goar nee seine Schiebermetze oabnahma toat, wenn ar ei die Woarme Stube kaom. On, - ar hoatte emmer ääne Oart Beule onder seiner Schwoppe, doaß der Päuarn doas verdächtiech vierkoam. - Daam Denge wullte se amoal anooch giehn! -

Nu gutt, wie ar oa ämm kaale Wentertaaje wieder amoal senn Besuch machte, toata die Päuarn, wie emmer, off die Uufabanke baata on ar selde ihr ock amoal viel aus seiner Oarbt bei daan verschiedna Loita derzehla. Ar kunde gutt derzehla on ar toats a ganne. Derbeine toat die Päuarn techtiech Reisiech ei a Kacheluufa stoppa on Franzla musste ock emmer derzehla on derzehla! Ob ar nee sei Metzla oabnahma wellde, freet se? Oaber Franzla wullde sänn Speckdeckel offe behaala. Die Päuarn kachelte techtiech ei! Stoppte änn Pärschel Reisiech nooch damm andarn ei doas Uufalooch on Franzlan wurde schon rechtiech hääß! Joa, ganz decke Schwääßbächlan liefa daam oarma Kalle oam Genecke nonder. Ar hoatte vielleicht zahn moal zom Häämgiehn oagesoatzt, oaber die Päuarn hoatte emmer nooch ääne Schnoarcke aus'm rausgekitzelt on etza koam die Schwääßboahne schonn vu der Stärnne ieber die Aaja on a vu der Noase truppte da fette Schwääß. Etz woar Franzla nemme zo haala, ar wullde hääm. - Du warscht diech verkiehla, määnte die Päuarn! Oaber Franzla soatzte siech doarch! Wie se doarch a Hausflur ginga on oam Gewälbe verbeikoama, hoatte die Päuarn doch Metlääd miet'm. Se huschte doarch die oagelahnte Gewälbatiere on koam met am Klempla Putter wieder. „Do Franze,“ säät'se, „Du hoast mier heute asu viel Frääde gemacht, niehm der doas Steckla Putter miet hääm!“ - Franzla ies nooch offte off Besuch gekomma, oaber, 's hoot kä Putterklempla nemme eim Gewälbe gefahlt.

Erhard Gertler

Gedicht des Monats September 2005

Herbstlaub

Das Herbstlaub trägt in goldnen Farben,
Des Lebens Fülle stolz zur Schau.
Verdeckt mit Lust der Seele Narben,
Kennt Kommen, Gehen ganz genau.

Und war das Leben voll und mächtig,
So wie das Laub in aller Pracht,
Im Wirbel überraschungsträchtig,
Hat alles schön und reich gemacht.

Es fällt, - mal sanft, mal stürmisch nieder,
Wird weggefegt vom Wind der Zeit,
Verwandelt sich zu Erde wieder,
Zum Leben spenden neu bereit.

Der Zeiten Lauf, der anders mißt,
Weht tröstend über trockenes Laub,
Er ruft: "Schaut her! - So ist's! -
Was heute fällt, ist morgen Staub."

Erhard Gertler

Gedichte des Monats August 2005

Wunschdenken

Menschen, Menschen, höret auf
Das ist nicht des Lebenslauf!
Steiget ab von Euren Rössern,
Leben ist nicht nur in Schlössern!
Denn der Wünsche Hin und Her,
Macht die Möglichkeiten schwer

Nichts läßt sich real vollenden,
Nichts im Traumes Sinne wenden.
Jeder weiß doch ganz gewiß,
Am Ende steht der Kompromiß.
Und damit, so muß man leben, -
Eben.

Erhard Gertler

Zom Neuroder Traffa

Doas Neuroder-Land leit ons eim Senne,
Es leit goar tief eim Hatze drenne.
Es ies a Bornn, aus daam mer scheppa
On daan mer met ons remm a schleppa.
Joahrzahnte schonn on nooch viel mähr,
Woll recht besahn fällt's ons schon schwär.

Woas ma met Macht ons hoot genomma,
Doas watt woll a nee wiederkomma.
Woas bleit, - on doo droa sool's nee fahla:
- "Aolls ei Derrennerong zo haala!" -
Woas woar, on woas de etza ies,
Doas muuß ma wessa ganz gewieß.

Drem traff mer ons halt emmer wieder:
Mier pauarn! Senga Häämtelieder!
Sahn on häärn, woas de geworn,
Ei letzter Zeit me'm Häämtebornn.
Derbeine lo mer ons beschenka,
Eim vorwärts - on zorecke denka.

Mier hoffa, doaß ons doas halt bleit,
Nee blooßiech nooch fer korze Zeit.
Denn wenn a jeder miete zieht,
Es emmer wieder wetter gieht.
Kenn mier die Welt a nee eireißa,
Mier hoan a nischt nee weg zo schmeißa!

Erhard Gertler

Gedicht des Monats Juli 2005

Kartoffan on Putter

Endliech ies die Zeit gekomma,
- Mier hoan Kartoffan rausgenomma, -
Mier kenna assa ohne Roie,
Friehkartoffan! - Schiene! - Noie! -

Jeda Taag, änn ganza Borg,
Ob met Putter; oder Quork,
Griewafett, wenn ma's nooch schoafft,
Doas macht Wompe! Doas gibt Kroaft!

Doo hau mer nei, rään wie verreckt,
Wenn a derbei die Goalle zweckt.
Mier stiehn vum Tesche ärscht nee uuf,
's gieht emmer nooch 'n Kulle druuf!

Kä Herrschoaftliech Gerechte tutts,
'n Kartoffel ies halt goar woas Gutts.
Es ies doo wie beim Schlachtefeste, -
Fresche Woare ies doas Beste!

's ies a bellieches on a guudes Futter!
Om besta halt met guuder Putter.
Voll's aus 'm Foasse, nooch 'm Puttarn!
Nä, verflimmt, kooan ma doo futtarn!

Die Frääde lo mer ons nee nahma,
Es bleit nooch Zeit em oabzonahma!
Ärn hengarn goar!? Doas teet nooch fahla!
Wenn's schmeckt, war koan doo oa siech haala?

Erhard Gertler

Gedicht des Monats Juni 2005

Nordic-Walking

Nä, woas ies aus ons geworrn !?
Die Mode macht ons rään zo Norrn.
Nordic-Walking ies etz Mode
On doas Ganze hoot Methode.

Wenn Ääner met zwee Knettan lääft,
Der Andre a siech welche kääft.
Danne lääft ar ganz verkrompft,
Bes der ganze Kärper dompft.

Denn war met zwee Stecka gieht,
Feste off der Arde stieht.
Bleit gesond, werd a nee steif
On ies schnell Olimpjareif.

Doas Aalder spielt doo kääne Rolle,
Hauptsache, ar treibts nee tolle.
War daan Sport siech eigebeldt,
Werd a rechtiech ausgebeldt !

Kriecht 'n Lährer on lernt giehn,
Jeckersch nä, wie ies doas schien !
Ihr Loite, nä, es ies zom Flenna,
Oals Kend doo lernt ma Laafa, - Renna !

Woas äm die Mutter beigebroocht,
Doas woar foalsch, - war hätt's gedoocht !? -
Blooß, woas neu on gutt oafängliech,
Ies goar schnell verbei, - vergängliech.

Huula-Hupp, war wääß doas nooch ?
Verkruuch siech schnell ei's Mauselooch.
Denn die Wompa-Rääfaschaukel,
Woar doch blooß a Viergegaukel.

Freihändiech lott ons ock giehn
On ons rechtiech drem bemiehn.
Ägal wenn a die Loite sään,
Mier hätta goar a Schlenkerbään.

Erhard Gertler

Gedicht des Monats Mai 2005

Frühlingswonne

Frühlingsluft! Die Lerche ruft,
Steigt jubelnd auf zur Sonne.
Ein neuer, hoffnungsvoller Duft,
Erweckt die Frühlingswonne.

Lauer Wind von allen Seiten,
Sanft durch all die Blüten säuselt.
Schwalben durch die Lüfte gleiten,
Blatt um Blatt sich öffnend kräuselt.

Ein Singen der Natur, ein Lachen!
Ein Farbenspiel im Sonnenlicht,
Ein freudig, - seliges Erwachen,
Siehst oh Mensch, - hörst du es nicht?

Dies alles hat Er dir gegeben,
Der Herrgott, der dein Sehnen kennt.
Er weiß genau, nur das ist Leben,
Wenn immer neu es in dir brennt.

Wenn immer neu du es erwartest,
Wenn immer neu du es beginnst,
Wenn immer neu du wieder startest,
Wenn immer neu du dich besinnst.

Erhard Gertler

Gedicht des Monats April 2005

Doas Ährfärchtieche Telefon

Nä, woas iech fer Ährforcht hoa,
Muuß oa's Telefon iech droa.
Denn me'm entfernta Gejenieber,
Reed iech Huuchdoitsch, Du mei Lieber!

Sä ganz fräädiech: "Gutten Tach!
Nein, asu woas! Ach, ach, ach!
Ihnen geht es hoit nicht gutt?
Nein, wie leid mier doas doch tutt!

Ach, Sie haben sich blooß verkiehlt? -
Ja, ich weiß wie man sich fiehlt. -
Nehmen Sie denn auch Medizin? -
Die ist gutt? - Na, doas iss schien!

Na ja, na, wenn's halte zwickt,
Ist man froh, wenn man was kriggt.
Muß man doch bei allen Quaalen,
Oalles salber hoit bezahlen.

Denn der Arzt verschreibt ja nischt,
Wenn's änn a Bessla blooß derwischt.
Bes ma a Koop goar unterm Arme träät, -
Dann iss' zu spät. -

Na, ich wollt ja blooßiech häärn,
Wie's Ihnen geht on will nich stäärn.
Lassen Se siech ock besser waan,
Bis zum nächsten Wiedersahn!"

Asu giehts bei mier oam Telefone zu:
Datt sprech iech fein, mein Lieber Du!!
A wenn's Gespräch nee lange tauert,
Bei mier werd Huuchdoitsch doo gepauert.

Erhard Gertler

Gedicht des Monats März 2005

Kritisch betrachtet

Ach, die Jahre gehen vorbei,
Und noch nichts gelernt dabei.
Der Mensch, er bleibt so wie er ist,
Macht immer noch den selben Mist.
Glaubt sich geschult, glaubt sich gebildet,
Bis das er merkt, - „nur eingebildet!“ -

Der Mensch ist vieles wohl im Stande,
Möchte oft zurück, zum Urgewande.
Möchte dennoch nicht als Urmensch enden,
Denn er will Hightek doch verwenden.
Meint, daß er alles neu gestalte
Und bleibt im Grunde doch der Alte.

Erhard Gertler

Gedicht des Monats Februar 2005

Eim Schoppingzenter

Gestarn woarsch ägal woa's kost,
Gestarn hott mer Eikääflost.
Gestarn wulld mer Geld ausgaan,
Amoal sahn, wie doas watt waan.

Ei's Schoppingzenter musst mer nei,
Datt Hotts Frooß! - Nä, du hei!
Ma kund siech jeda Wonsch derfella,
Braucht blooß kääfa, braucht blooß wella.

Datt denne lootscht mer hie on har,
Treppa nuff, wieder derquaar.
Mei Weibla halte, on a iech,
Jeder schlenkerte fer siech.

Mier guckta doo on guckta datt,
Danne macht mer wieder fatt.
Ei die eberschte Etaasche,
Langsam koam mer schonn ei Raasche.

Nischt zo fenda woas toat tiecha,
Derbeine woar doch oalls zo kriecha!
Oalles sullt gemoolt woll sein,
Also ließ mersch wieder blein.

Met loahma Fissa, mieda Knocha,
Sein doarchs Zenter mer gekrocha.
Woarn schonn rääne ieberschonda
On hoan a Ausgang nee gefonda.

Sein zom Parkhause gewetzt,
Schnell zahn Euro emgesetzt,
Zweemoal änn Euro nooch verpullt -
On nischt gehullt.

Erhard Gertler

Gedicht des Monats Januar 2005

Solidarität

Wie hoan die zeita siech gewandelt!
War krank ies, wie werd dar behandelt?
Hoot ar Geld, doo giehts 'm gutt,
Soste zoahlt ar bes offs Blutt.

Koan ar on a nischt derfiere,
Ar bleit schließlich ver der Tiere.
Schlemm iss, wenn ar goar erkrankt
On dann doas Piedschee nee langt.

Denn ar kriecht, - och, wie schien, -
Fer die Schmerza änn Termin.
Ar muuß leida on siech queela,
Bes datthie die Taaje zehla.

Kemmt ar dannn ei's Dokterhaus,
Fleucht ar baale wieder naus.
Met'm Rezepte ei der Hand,
Kemmt zom Optheeker ar gerannt.

Dar bestellt dann woas ar wiel,
On doas kost goar ooßich viel.
's sein a poar Zeetscher wieder mähr
On doas Portmannee ies läär.

Nä, ies doas nee ungehoier?
Krank sein ies halt hoite toier.
Futsch die Solidarität
On es tutt ärscht kämm nee lääd.

Erhard Gertler

Neujahrsgedicht 2005

Ein neues Jahr

Ein neues Jahr, wie alle Jahr?
Zu viel ist da noch offen. -
Noch ist was kommen mag nicht klar,
Die Entscheidung nicht getroffen.

Drum sei uns gnädig, Herre Gott,
Und laß uns nicht versinken,
In Alltagsfragen, - jenem Trott, -
In Not und Sorge uns ertrinken!

Mach Hoffnung uns, gib uns Vertrauen!
Laß jedes neue Werden,
Nach Deinem Sinne uns erbauen,
Zum Dank an Dich und unsere Erden.

Erhard Gertler