Die Mundart der Grafschaft Glatz (Schlesien)

Gedichte des Monats September 2009

Der Spritzamääster

Ich bien gewessahoft goar sähr
On mach' mei Sache gutt;
Doß oalls ei bester Ordnung bleit,
Doo bien ich of der Hutt.

Ich sah zum Rechta ieweroal
Eim Spritzahause - gell! -
Denn, wenn's amool a Feuer hoot,
Doo gieht's goar roasnich schnell . . .

Doo muuß ma baale flink zer Hand
Sei ganzes Läschzeug hoan
On äne Monnschoft, stroamm geschult,
Die ma gebraucha koan . . .

Joo, wenn oalls kloppt, ich koan's euch sään,
Tutt's Feuer glei vergiehn,
On jedes koan beruhicht dann
Of häämzu wieder ziehn.

Nie woahr, ihr gatt mer oalle recht,
Doas wääß ich ganz gewieß: -
Es ies schon gutt, wenn of'm Domm
Der Spritzamääster ies . . .

Max Volkmer

Gräberschwund

Gräberschwund,
Stund für Stund. -
Natürlich macht die Weltgeschichte,
Gegenwart gar schnell zu Nichte.

Doch, wenn keiner nimmer weiß,
Wo der Ahne, wo der Greis,
Einstmals seine Ruhstatt fand,
Ist es traurig für ein Land!

Wie soll er das Heute finden?
Wie sich an die Zukunft binden?
Wenn er weiß, kurz ist die Zeit, -
Ich ward schnell von ihr befreit. -

Brauche nicht an Morgen denken,
Meine Knochen nicht verrenken,
Zukunft ist ein fahles Wort,
- Liegt in einem andren Ort. -

Laßt es doch die And'ren machen,
Die, die über's Heute lachen.
Ich bin jetzt, und ich bin hier!!!!
Bin ich Mensch? Oder gar Tier????

Wo ist meines Daseins Mitte?
Mensch, denk nach! Doch einmal bitte!
Scheinbar weiß Du selber nicht,
Wo Dein Daseins Ende bricht?

Erhard Gertler

Gedichte des Monats August 2009

Der Schiedsmoan

Vo oalla Ämtan - haart mer zu! -
Hoa ich derwescht woll 's schlechste,
Denn bei am Postla, wie bei mem,
Schier jedem recht gaan mechste . . .

Doo kommt die Kriebschen on verkläät
Die Zänkern - 's ies a Macha! -
On häärscht'r dann die andre oa,
Senn beede schold - die Tracha!

Doas ies a Konst dernoochte - gell! -
A Mettelwääg zu fenda
Ei daam verstreckta Wirrwarr, dar
Sich hoot gehäuft vo Senda.

Ma hoot doo ofte 'n schwäära Stand,
Sich emmer dorchzusetza,
On mecht, wie sella Weiwer aa,
Sich gutt a Schnoabel wetza . . .

Doch - 's stieht mei Protokollbuch schon
Recht vuul vo Streitichkeita,
Die ich ei meiner Omtszeit hoa
Beseiticht onder a Leita.

Ich bräng se schon zusomma - hm! -
Wenn se aa toll sich beißa,
Denn: waos a rechtjer Schiedsmoan ies,
Dar tutt doas Deng schon schmeißa . . .

Max Volkmer

Jeansmode

Wie schnell siech hoite oalles wandelt,
Folls wenn siechs em die Mode handelt.
Zom Beispiel met daan  J e a n s  hoite,
Die enga Denger! - Nä, Ihr Loite!

Doo siit ma moanche Stäcklabääne,
Die laafa schier vu ganz allääne.
Es woar doch eigentliech ganz schien,
Ei Knickebockarn remmzogiehn.

Die sogenannta Äppelstahler,
Doo oabzoschoaffa war a Fahler.
Kunnt se a moancher goar nee leida.
Die toata doch ons Männer kleida!

Der Moan kunde met Woada protza,
A bieser Wend kä Note plotza,
Ägal, vu wu a doo toat bloosa,
A hotte Plotz ei Pluderhoosa.

Die därra Schenkel woarn verstackt,
On oalles loftiech eigepackt.
Hoit met daan Jeans ies doas verbei,
Doo kriecht ma kamm änn Oappel nei.

Der Schnapper boilt a Hendarn aus,
Poast ma nee uuf, klaut ma an raus,
Die Toasche doo oam Hendervärtel,
Die setzt ganz noahnde onderm Gärtel.

On langt ma amoal henda hie,
Doo tun ämm glei die Fenger wie.
Doas Taschla doas ies viel zo schmoal,
Datt nei zo packa ies nee Quoal.

Es sool halt oalls schien enge sein,
's neifoahrn wird äm goar zor Pein!
Doas äänzich schiene ies halt doas,
Ma sitt hoit bei a Weibarn woas.

Erhard Gertler

Gedichte des Monats Juli 2009

Der Standesbeomte

Woas ich zu sään hoa, wääß a jedes . . .
Mich hoot schon moncher uufgesucht,
Dar ärjendwoas lett rejistrian,
Bei mir wärd oalls genau gebucht.

Ich mach goar peinlich meine Sache
Schon joahrelang - doas weßt'r joo! -
Drem koan ich mich, ihr liewa Leute,
Aa iew'roal sahn loon. Gell?! - Nu doo!

Hoot euch der Storch gebroocht a Kendla,
Ward's uufgeschriewa ganz gewieß;
Aa wenn a Poarla hoot geheiert
On jemand wuu gestorwa ies.

Braucht ihr'n Gebortsschein oder wällt'r
Der Urgruußmutter Huxttag hoan,
Vo mir koan jeder doas verlanga,
Ich wäß's, waan die sich noahm ols Moan.

On woas dar hoatte fier Geschwester,
Ob's Brieder oder Schwastan worn,
On wie se noochanander hießa
On wenn on wuu se wuurn geboarn.

Mich kennt'r em goar viele freeja,
Die frieher hoan die Welt gesahn:
A Standesomtsverwalter watt euch
Doo immer guude Auskomft gaan.

Max Volkmer

Woasser

Woasser, Woasser ieberoal!
Och Ihr Loite, 's ies nee Quoal!
Kemmts vu uba brauch mersch nee,
Bleit's ärn aus, doo hoa mersch nee.

Also mess mer ganz beflessa,
Emmer wieder, emmer gissa.
Morjas ei der Friehe schon,
Hoot ma's Obends nee getoon.

Ihr Loite, denkt fer oallem droa,
Doas Woasser kemmt vu uba roa!
Vum Himmel, da es ons geschenkt,
Aach wenn ma hoite kamm droa denkt.

Woasser tutt ons nooch verbenda,
Wenn mer ons dermiet a schenda.
Es ies amoal nee Gotteskroaft,
Die doas Neetieche ons schoafft.

Hoite lääfts doarch jede Wand,
Wuhar's kemmt ies kamm bekannt.
Woasser kenn mer emmer hoan,
's hoot ieberoal änn Woasserhaon.

Dank mer' m Herrgoot doaß 's nooch lääft,
Aach wenn ma's hoite treuer kääft.
Es ies des Laabas Elexier,
Lieber Goot mier danka Dir!

Erhard Gertler

Gedichte des Monats Juni 2009

Der Nochtwächter

Wenn die Leute oalle schloofa
Fengt fer mich der Dienst ärscht oa,
Doo gieh ich of oalla Wääja
Zengst eim Därfla nuff on roa.

Schleich ganz stelle em die Häuser,
Poß gutt uuf, doß nischt possiert . . .
Doß nie goar a Vaachabunde
Wuu verhola rem ezt stiert.

Ei der Nocht - ihr kennt morsch glääwa! -
Hoot's genung Gesendel - haart! -
Woas fiehrt ollerhand 'm Schelde
On sich denkt: 's ies ungestäärt.

Joo, ich hoa schon monche Stroomer
Scheen of frescher Toat dertoppt
On aa glei - woas bleit mer iewrich! -
Prompt ihr Handwrich obgestoppt.

Ies amool die Loft zu decke,
Doß's ällääne mir'sch nie gleckt,
Nahm ich mer menn Hund derzuune,
Dar se ei a Hendan zweckt.

Satt, 'su koan ich's euch bestäätjan,
Doß doas ganze Darf mich braucht . . .
Saat mer blooß, - es teet mer langa! -
Doß a Nachtwächter nischt taucht . . .

Max Volkmer

Häämtebeldlan

Beldlan vu Derhääme, aus noierer Zeit,
Ies doas woas om tiefsta eim Hatze mier bleit.
Bloos, - waan intressiert'n nooch doas?
On waan intressiert'n vu datte nooch woas!?

Du woarscht Derhääme, wie hoast's'n gefonda,
Mei Därfla vu uba, - mei Därfla vu onda ?
Es woar doch mei Äänzjes, es woar asu schien!
Bien iech denn der Äänzje daan's intressiert doo geblien?

Iech koan nemme hie, iech koan nemme fatt,
Bien bloosiech nooch ofte eim Traame woll datt,
Wu iech Odem gehullt, - ei der Häämte, - ganz jong,
Iech koan nemme hie, - kä Kroft nee, - kän Schwong.

War watt mier noch zeija, die Beldlan vu äänst?
War iech jemandan fenda, dar wääß woas de määnst?
Dar de hoite, - a hoite, - a nooch drieber sprecht,
Warom mier eim Alder es Hatze nooch brecht?

Woas wierd aus daan Beldlan?
Wu komma se hie?
Iech mecht's halt verhendarn,
Off a Mell iss zo frieh. -

Erhard Gertler

Gedichte des Monats Mai 2009

Der Gemäänbote

Kää Mensch, wie ich, ei der Gemään,
Hoot 'suviel remzulaafa
On zu besorja ieweroal,
Doß's kloppt, 'n ganza Haffa.

Ich bien - na gell! - stets of a Bänn
Vo frieh bis ei die Nächte;
Mei Postla - waar doas kennt, daar wäß's! -
Doas ies nie asu lächte.

's gehaart doo schon a Koop derzu,
Sich gutt olls zu behaala,
Woas äm wärd iewerträän, jojoo,
Ma därf doo nischt verfahla . . .

Ma mächt Verordnunga oaschloon
On Zeedel fier die Woahla
On muuß die Steuerschold eiziehn,
Bei daan, die schlecht bezoahla.

Zer Sitzung a Gemäänderoot,
Daan hoot ma eizuloada
On ollerhand, woas kääs sost macht,
Doas koan ma aus stets boada.

Drem merkt's euch on vergaßt doas nie,
Ich tu euch doas gutt roota:
Woas wäär 'm Darfe luus, wenn 's gee
Nie a Gemäändeboota?

Max Volkmer

Mutter

Mutter: Darüber hast Du nie gesprochen?
Mutter: Was hat Dein Herz gebrochen?
Mutter: Warum schwiegst Du so?
Mutter: Warum littest du so?

Mutter: Warum hab' ich's nie gewagt?
Mutter. Warum hab' ich nie gefragt?
Mutter: Es war immer so.
Mutter: Du warst immer froh.

Mutter: Du warst immer da.
Mutter: Ich weiß noch wie es war. -
Mutter: Ich muß es wagen!
Mutter: Es den Anderen sagen!

- „Fragt, wenn es Zeit ist, -
Wenn Freude, wenn Leid ist!“

Erhard Gertler

Gedichte des Monats April 2009

Der Gemäänschreiber

Ich bien die rechte Hand vom Schoolza
On wääß genau wie dar Beschääd
Ei olla Omts- on Steuersachen
On woas eim Darfe zu sich träät.

Ich kenn mich aus ei der Gemäände
Bei jedem, daan der Schuck wuu dreckt,
On wenn ich koan, doo wärd geholfa,
On manches Lächla zugefleckt.

Ich hoa schon viel met guudem Roote
A Leuta beigestanda - gell! -
Wenn se amool fier woas mich brauchta,
Denn em a Koop doo bien ich hell.

Ich mach, wie's sein sool, olls of's Quintla,
Denn woas dorch meine Hände gieht,
Ward stets gewessahoft behandelt,
Doo kenn ich kää Derbarma miet.

Mich schätza se of olla Ämtan
Met meiner Arbt, der Schreiberei,
Weil ich, doas wessa die Beomta,
Mei ganze Kroft derfier setz' ei.

Drem watt's a jedes aa begreifa,
Doß mei Person schon woas bedett . . .
Woas wäär' a blooß, dar liewe Schoolze,
Wenn a nie mich zer Seite hätt'?

Max Volkmer

Sport Spott

A Fußboall ieberlaabt,
Oam Fernseher geklaabt,
Oalle Spiele gesahn,
Woas kaon jetz nooch warn?

Vum Fernsehn nooch bleede,
Die Welt werd etz eede,
Nu watt iech halt a,
- O f f   O l i m p i a !! -

Ies die dann verbei,
Doo kemmt secher glei,
Die nächste „W M!“
Asu werd ma plemmplemm. -

Erhard Gertler

Gedichte des Monats März 2009

Der Gemäänderoot

Woas koan der Schoolze ohne ons
Ei der Gemään woll macha?
Wenn mir nie wälla, wie haar wiel,
Doo hoot a nischt zu lacha . . .

Doo ies fost jeder Ploan emsost,
Dar neu kemmt of die Bääne;
Denn ob a Deng ward dorchgefuhrt,
Bestemma mier allääne.

Mir missa onser Woart vor gaan,
Sost ies olls fahl om Plotze,
On woas doo eigeruhrt schon wuur,
Ganz ääfach fier die Kotze.

'su hommer emmer mietzumaarn -
On tutt ons woas nie teeja,
Doo ward dergeeja halt gestemmt,
Doo tummer goar nie freeja . . .

Mir senn vo der Gemään gewehlt,
Doß mir se gutt vertraata
On nie eis Blooe nei boxiern
On 's ganze Geld verjaata.

Doch fier woas Guudes traat mer ei,
Doo watt's oa kämm nie fahia . . .
Drem futt der Schoolze - doas ies woahr! -
Of ons woll aa woas haala!

Max Volkmer

Der Boxkampf

Noiliech hoa iech mersch oagetoon,
Miech vum Boxkampf fanga loon.
Eim Fernsehn woar doas doo zo sahn:
„Jesses!! Hoan die siech gehaan!“

Zoerscht, doo wurd mer eigestemmt:
„Jeder soach, der Boxer kemmt,
Datte henda, ganz verschwomma,
Oals ob ar teet vum Himmel komma!“

Oagekendicht woar ar woarn,
Bei daan ganza viela Norrn,
Oals der Keeniech, oals der Tiejer,
On a oals der hoitje Siejer.

Die Nationalhymne wurd gaor gespielt,
Doas ar siech schon oals Siejer fiehlt.
Weils ohne Weiber woll nee gieht,
Truuch nooch a Weib die Foahne miet!

Nu, zo da ganza Womperei,
Gehäärt halt Wärde miete nei.
On doas es hoite Keile gitt,
Ma om Boxer sämm Gesechte sitt.

Dar soach siech dann sänn Gejner oa,
On fieng schon glei zo trompan oa.
Der Schiedsrechter, ar toade pfeiffa,
Etz leet ar luus! Ar toat oagreifa!!

Ar ruderte, on tänzelte,
Em a Gejner rem a schwänzelte,
Ar haute druuf, ar haute nei!
On off äämoal woarsch verbei.

Off'm Boden loach ar, ganz besoffa,
Der Gejner hott a glei getroffa.
KO!! KO!! Riefa se oalle,
On der Boxkampf dar woar oalle.

Etz goabs kä Hymne nemme nee,
Der Siejer woar der Andere,
Daam jubelta se oalle zu,
Eim Laaba ies doas äbens asu.

Erhard Gertler

Gedichte des Monats Februar 2009

Der Schöffe

Naawer'm Schoolza hoan mier Schöffen
's määrschte ei der Gemään zu sään,
Denn mir tun met ihm zusomma
Die Gemäändeloast doch trään.

Joo, mir senn halt die „Minister“,
Die 'm stets zer Seite stehn,
Dessentwääjen tutt a sich aa
Iewer olls met ons befreen.

's gett - doas koan ma woll behaupta! -
Ollerhand dorch's ganze Joahr
Zu bereda on zu macha
Ei am Darfe. Doas ies woahr!

Wääje sein neu oazurechta,
's Viech gezehlt muuß monchmool waan,
Hoolztermin ward obgehaala,
Tutt's om Oarte 'n Puusch nooch gaan.

's ies die Jocht aa zu verpachta,
Uufzubaun der Haushaltsploan;
Wäär' der Schoolze doo allääne -
Na, guud' Nacht, mei liewer Moan!

's wier 'm dann woll angst on bande . . .
Oawer 'su, doas wääß a schon:
Vo ons drei, vier Schöffen - glääbt mersch! -
Watt a kääner 'm Steche loon . . .

Max Volkmer

Die Zauberuhr

Eine Uhr ist etwas Wert,
Und sei's in einem Küchenherd.
Aber, ach, o Weh Ihr Lieben!
Sie ist mir doch steh'n geblieben.

Meine Uhr dort in der Küche,
Stört das nicht, trotz tausend Flüche.
Mit neuer Technik soll sie geh'n,
Aber wer kann die versteh'n? -

Drücken Sie den oberen Knopf!
Sagt man einem alten Tropf!
Dann ganz unten rechts die Taste,
Und die neue Uhrzeit haste!

Einfach scheint's in dem Prospekt,
Doch, wer hat den bloß ausgeheckt?
Drückt man oben, will sie geh'n,
Drückt man unten, bleibt sie steh'n.

Drückt man alle Knöpf zugleich,
Wird man in den Knieen weich.
Endlich ist die Uhrzeit da! -
Doch, was tut das Ding jetzt da?!

Sie zeigt eine neue Tücke!
Diese Uhr dreht sich zurücke!!!
Ob Minute, - ob Sekunde,
Rückwärts geht's jetzt jede Stunde!

Nun, ich neh'm es mit Humor,
Glücklich bin ich wie zuvor.
Dreht doch meine Lebensuhr,
Sich Rückwärts nun in einer Tour.

Neue Stunden, altes Glück,
Meine Uhr geht jetzt zurück.
Ja, sie zeigt mir was sie kann,
Nur, - es ist kein Datum dran.

Erhard Gertler

Gedichte des Monats Januar 2009

Der Schoolze

Eim Darfe bien der Hichste ich,
Dar sich euch vier etz stellt;
Mich hoan se bei der letzta Woahl
Zum Eewerhaupt gewehlt.

Se hoan känn schlechta Fang gemacht
Met mir, doas gaa ich zu,
On fenda aa känn bessan sost,
Denn 's kloppt olls, woas ich tu.

Bem Landroot drenne ei der Stoadt
Steh' ich gutt, doas koan ich sään;
A braucht sich woll aa iewer mich
Wahrhaftig nie beklään.

Ich mach'm stets nooch Vorschreft oalls,
Genau, wie a 's wiel hoan,
Drem lobt a mich goar manches Mool:
A ies a guuder Moan. -

Doch nie allääne blooß bei daam
Doo bien ich oagesahn:
Es tutt wuu andersch aa dorch mich
Kää Wärjebänder gaan.

Doas fräät die Leute olle sähr,
Se sahn doas wärklich ei . . .
On jedes wenscht, doß ich - na gell! -
Nooch lange Schoolze blei!

Max Volkmer

Lo mersch komma

Lo mersch komma, 's noie Joahr!
Woas de werd, ies nooch nee kloar.
Wie's on kemmt, mier messa's nahma,
Kenna bloos vum Guuda traama.
Hoffa off nee guude Zeit,
Die de etza ver ons leit.

Off a Herrgoot well mer baun,
Met äm gruußa Gootvertraun.
Dar watt's rechta, watt ons fieharn,
Uufmacha ons oalle Tiearn,
On ons sään: „Datt gitt ock nei,
Hott ock Mutt, iech bien derbei!“

Erhard Gertler

Inhaltsübersicht 2008
Im Jahr 2008 wurden auf der Mundart-Seite folgende Verse als „Gedicht des Monats“ veröffentlicht:

Monat, Jahr

Gedicht des Monats

Dezember 2008

Wenn 's Kreßkendla kemmt!
O Heilige Nacht

November 2008

Neckelsoomd
Kommer

Oktober 2008

Kihehitta
Pflaumakließlan

September 2008

's Karasell ies doo!
Weh, ach Weh

August 2008

Mier loan a Tracha steija
Es wird eng

Juli 2008

Ei die Bääre on Pelze gihn
Wehren

Juni 2008

Johonnstichfeuer
Johannisfeuer

Mai 2008

-

April 2008

-

März 2008

Sommersenga
Vertrieben, vergessen

Februar 2008

Schlietafoahrn
Die Poata komma

Januar 2008

Siedlerlaaba
Langer Abend

Neujahrs-Gedicht 2008

Komm neues Jahr

Inhaltsübersicht 2007
Im Jahr 2007 wurden auf der Mundart-Seite folgende Verse von Erhard Gertler als „Gedicht des Monats“ veröffentlicht:

Monat, Jahr

Gedicht des Monats

Weihnachtsgedicht 2007

Frieden soll sein
Wenn 's Kreßkendla kemmt!

Dezember 2007

Schloffa giehn
Verfall

November 2007

Die Rentenerheehong
Fazit - wieder angepasst

Oktober 2007

EU - Eijentiemerversoammlong
Wo sind wir denn

September 2007

's letzte Gebaatla
Gedichte

August 2007

Waaterwendisch
Bärte

Juli 2007

Heimatgefühl
Gott sei Dank

Juni 2007

Slow Food - Fast Food
Doch

Mai 2007

Wieder Mai

April 2007

Spätzünder
Unwort des Jahres (2006)

März 2007

Friehjoarschgrisse

Februar 2007

Na dann Helau

Januar 2007

Ganz weise

Neujahrs-Gedicht 2007

Noijoahrschlätta

Inhaltsübersicht 2006
Im Jahr 2006 wurden auf der Mundart-Seite folgende Verse von Erhard Gertler als „Gedicht des Monats“ veröffentlicht:

Monat, Jahr

Gedicht des Monats

Weihnachtsgedicht 2006

Komm erneut auf diese Welt

Dezember 2006

Reklame! Reklame!

November 2006

Jonge Liebe

Oktober 2006

Oabgeärnt
Privatwärtschoaft

September 2006

Procedamus

August 2006

Ferienzeit

Juli 2006

Juniorpartner
Die Politbowle

Juni 2006

Johannesfoier

Mai 2006

Rentner

April 2006

Oaprel! Oaprel!

März 2006

Etz werd's

Februar 2006

Foasnichzeit

Januar 2006

Änn Schniemaon baun

Neujahrs-Gedicht 2006

N u r   M u t

Inhaltsübersicht 2005
Im Jahr 2005 wurden auf der Mundart-Seite folgende Verse von Erhard Gertler als „Gedicht des Monats“ veröffentlicht:

Monat, Jahr

Gedicht des Monats

Weihnachtsgedicht 2005

Ewiech jonge Weihnachtszeit

Dezember 2005

Feindliche Iebernahme

November 2005

Novembertage
Laut Beipackzettel

Oktober 2005

Noie Ärnte, noie Soote
Der Putterdieb

September 2005

Herbstlaub

August 2005

Wunschdenken
Zom Neuroder Traffa

Juli 2005

Kartoffan on Putter

Juni 2005

Nordic-Walking

Mai 2005

Frühlingswonne

April 2005

Doas Ährfärchtieche Telefon

März 2005

Kritisch betrachtet

Februar 2005

Eim Schoppingzenter

Januar 2005

Solidarität

Neujahrs-Gedicht 2005

Ein neues Jahr

Inhaltsübersicht 2004
Im Jahr 2004 wurden auf der Mundart-Seite folgende Verse von Erhard Gertler als „Gedicht des Monats“ veröffentlicht:

Monat, Jahr

Gedicht des Monats

Weihnachtsgedicht 2004

Weihnachtlicher Hauch

Dezember 2004

Doo staunt doas Volk

November 2004

Hoansla met der Zwelle

Oktober 2004

Herbstmaneever

September 2004

Was war, das war
Gesundheitsreform

August 2004

Ärntezeit

Juli 2004

Kärschkärnlan schissa

Juni 2004

Etz kemmt der Mai

Mai 2004

Maiandacht

April 2004

Frühlingsluft

März 2004

Der verstellte Sääjer

Februar 2004

Vu Foascheng bes Foaste

Januar 2004

Zweetausendviere

Neujahrs-Gedicht 2004

Neujoahrschwensche

Inhaltsübersicht 2003
Im Jahr 2003 wurden auf der Mundart-Seite folgende Verse von Erhard Gertler als „Gedicht des Monats“ veröffentlicht:

Monat, Jahr

Gedicht des Monats

Weihnachtsgedicht 2003

Weihnachts-Kulti

Dezember 2003

Die Zweetagesreise

November 2003

Reformfieber
Ein Ahnen nur

Oktober 2003

Rentner-Ironie
Mei Ploatz

September 2003

Die Bergmoansmoahlst

August 2003

Sommerbärna

Juli 2003

Fauler Zauber

Juni 2003

Fragen

Mai 2003

Die Stoarbotte

April 2003

Uustarn

März 2003

Spatzentanz

Februar 2003

's ies geschlacht

Januar 2003

Zweetausenddreie

Faffermannlas Weihnachtssprüchla

Underm Christboome doas Faffermannla neulich
Sproach: Ihr Leute, kleen bien ich freilich
Und hoa krumme Beene;
Denn iech bien doas Faffermannla, doas kleene.
Dar Bäcker, dar miech gebacka hotte,
Meente, iech wär' 'n verturbne Rotte;
Deswägen hoa iech bluß enn Fennig gekust't,
Sust hätt' iech err fümwe kusta gemußt,
Wenn iech wär wie die grußa Faffermänner,
Aber iech bien äbenst bluß a klenner.

Ihr Leute, iech muuß Euch doas eene soan:
Beißt miech nich etwant jitz schunt oan,
Denn doas wär' üm mei Laba schoade.
Aßt ock lieber zuerrscht Schuckloade.
Iech bien ju kaum sieba Stunda aalt,
Meine Noasaspitze ies noch nich kaalt
Voo dar erbärmlicha Backuwahitze,
O meine liebe Noasaspitze.

Mir wär ju nisch oon derr Welt gelan,
Iech möchte bluß noch awing Euer Christbeemla sahn
Und woas doo oll's druffe hängt,
Wuhien inserees goar nich denkt.
Die bunta Lichtla verr olla Dinga,
Herrjekersch, wenn die zum assa ginga,
Die fräß iech weg ei emm Oogablicke,
Doß iech und wär' wie a Mookließla dicke.

Ihr Leute, Ihr Leute, wu mahr iech hien?
Lußt miech ock bluß a bißla stiehn,
Bis is letzte Lichtla wird runderbrenna,
Dernoo meinswägen pack miech
Zerbrecht miech, zerstecht miech, zerhackt miech,
Iech koan ju doch nich vom Flecke renna,
Verleichte wird moncher noch üm miech flenna.
Iech hoa nischt Bieses nich gewullt,
Iech muuß sterba und Ihr seid schuld.

Ernst Schenke

Inhaltsübersicht 2002
Im Jahr 2002 wurden auf der Mundart-Seite folgende Verse von Erhard Gertler als „Gedicht des Monats“ veröffentlicht:

Monat, Jahr

Gedicht des Monats

Weihnachten 2002

Frohe Weihnacht

Dezember 2002

Pflaumazeit

November 2002

Novembertag
Ein Ahnen nur

Oktober 2002

Stelle Sehnsocht

September 2002

Uufräuma

August 2002

Speete Eisecht

Juli 2002

Bäärproantsch

Juni 2002

Des Alters Los

Mai 2002

Zweearlä

April 2002

Aufschrei

März 2002

Eurolost

Februar 2002

Der Schnapper
Maskenboall

Januar 2002

Zweitausendundzwei

Inhaltsübersicht 2001
Im Jahr 2001 wurden auf der Mundart-Seite folgende Verse von Erhard Gertler als "Gedicht des Monats" veröffentlicht:

Monat, Jahr

Gedicht des Monats

Dezember 2001

Eurojubel

November 2001

's letzte Derhääme
Doas oalls macht Häämte aus

Oktober 2001

Unbekehrbar

September 2001

Kiehehitta

August 2001

A Fernsehtraam

Juli 2001

Woassergemmnastik

Juni 2001

Johannesfoier

Mai 2001

Die Muttel

April 2001

Grinndoonerschtiech
Der Uusterhoase

März 2001

Spätschäden
Friedensgespräche

Februar 2001

Lichtmeß

Januar 2001

Spretza

Ein Jahr im Internet

Im Internet ein ganzes Jahr,
Die Grafschaft Glatz, sie ist noch da!
Modern gestylt, so wie's gefällt,
Geht ihr Profil jetzt um die Welt.

Und wer dafür sich interessiert,
Im Internet wird informiert.
Humor, Geschichte und Kultur,
Weißt jeden auf der Heimat Spur.

Das Neueste für alle Fälle,
Zeigt die Rubrik, "das Aktuelle"!
So ist es und so soll es sein,
So kann man "internettig" sein.

So ganz nach Grafschaft Glatzer Art,
Rundum wohl ein gelungener Start.
Drum weiter so! - Alles klar?
"Auf geht es in das zweite Jahr!"

Erhard Gertler, 07/2000

Inhaltsübersicht 2000
Im Jahr 2000 wurden auf der Mundart-Seite folgende Verse von Erhard Gertler als "Gedicht des Monats" veröffentlicht:

Monat, Jahr

Gedicht des Monats

Dezember 2000

Wie's frieher woar

November 2000

EXPO-Brocka

Oktober 2000

Alles klar; Auf der Suche

September 2000

Rettet

August 2000

Händyzeit

Juli 2000

Falsch; Verpöntes Volkslied

Juni 2000

Toapersaak

Mai 2000

's ies Mai

April 2000

Uusterfrääda

März 2000

Ewiges Männerproblem

Februar 2000

Fanka backa

Januar 2000

Die Milleniumtrommel

Dezember 1999

Zom Joahrtausendwexel

Ab heute ist die Welt komplett:
Die Grafschaft Glatz im Internet!
Ja, darauf warteten Sie schon,
Per Email gibt's Information.

Auf diesem Wege wird bekannt,
Was für Sie alle interessant.
Beim Surfen wird man fündig hier,
Ganz nebenbei machts auch Pläsier.

Im monatlichen Überblick
Bekommen Sie den rechten Kick.
Das Neueste aus erster Hand,
Der Heimat, unsrem Glatzer Land.

Erhard Gertler, 10/1999