Die Mundart der Grafschaft Glatz (Schlesien)

Archiv der bisher veröffentlichten Gedichte auf der Mundart-Seite

Im Jahr 2006 wurden auf der Mundart-Seite folgende Verse
von Erhard Gertler als „Gedicht des Monats“ veröffentlicht:

Inhaltsübersicht 2006

Monat, Jahr

Gedicht des Monats

Weihnachtsgedicht 2006

Komm erneut auf diese Welt

Dezember 2006

Reklame! Reklame!

November 2006

Jonge Liebe

Oktober 2006

Oabgeärnt
Privatwärtschoaft

September 2006

Procedamus

August 2006

Ferienzeit

Juli 2006

Juniorpartner
Die Politbowle

Juni 2006

Johannesfoier

Mai 2006

Rentner

April 2006

Oaprel! Oaprel!

März 2006

Etz werd's

Februar 2006

Foasnichzeit

Januar 2006

Änn Schniemaon baun

Neujahrs-Gedicht 2006

N u r   M u t

 

 

Weihnachtsgedicht 2006

 

Komm erneut auf diese Welt

Lieber Gott, komm auf die Welt,
Zerschlag die Gier, zerschlag das Geld!
Zeige durch Dein Leben, - Leiden,
Wozu der Mensch sich soll entscheiden.

Das Leben ist nicht nur Profit!
- Keiner von uns nimmt was mit. -
Laß uns weiter für Dich zu streiten,
Auch in immer neuen Zeiten.

Nichts, auch nichts, es ist so neu,
Das es Deinen Sinn erfreu'.
Erhalte uns das Fundament,
Von dem der Zeitgeist uns getrennt.

Halt uns fern vom Höhenflug!
Halt uns fern von allem Trug!
Komm erneut auf diese Welt,
Baue auf Dein Friedenszelt!

Unter Deinem großen Dach,
Heile alles Weh und Ach!
Laß uns ganz bescheiden sein,
So wie du, - unschuldig, - klein.

Erhard Gertler

 
Krippe 2006
 

 


 

Gedicht des Monats Dezember 2006

 

Reklame! Reklame!

Ihr Loite, Ihr Loite,
Die Reklame hoite!
Woas die ons tutt bieta!
Zom Wahrverschieta!

Jeda Taag bei der Post,
Du woas Anderes host.
Emmerfatt noie Fetza,
Die zom Kääfa diech hetza.

Nä, es ies nee zo foassa,
Woas fer Diech oalls sool poassa!
Fer woas De oalls tauchst,
On woas De oalls brauchst!?

Asugoar änn „N a g e l d e s e i n“ *
- Nä har, muuß doas denn sein? -
Die Nääle o a Zinn,
Sein doch lange schon hinn.

Sein kromm on verkriepelt,
Met a Zinn rään verkniepelt.
Ei's Lebend'je gewaxa
On met daan muuß ma staksa.

Iech , - on Du! -
Schon seit Joahrn emmerzu.
Verbei sool oalls sein,
Met äm „N a g e l d e s e i n“!?

Met Acryl waan se länger,
Met „Frensch“** awing strenger,
Met Geel werd verstärkt,
Woas ma baale schon merkt.

Nä, woas sool'n doas sein?
Die Nääle blein mein!
Wääjer a Zinn, on a Fengarn,
Koan die „Deseinerin“ verhengarn.

Erhard Gertler

* (Nageldesein) Nageldesign
** (Frensch) French

 


 

Gedicht des Monats November 2006

 

Jonge Liebe

Jonge Liebe, - och, wie schien,
Wenn's ock emmer gutt teet giehn!
Ärscht sitt oalles ruusiech aus,
Dann off ämoal ies es aus.

Nä, die Lääda! Nä, die Schmerza!
Stecha doo ei beeda Hertza!
Kääne Treestong nannt nee hoots,
Ma flärrt Woasser on a Rootz.

Wiel vu Liebe nischt nee wessa,
Fiehlt siech ganz on goar beschessa.
Sperrt siech vu der Welt schier aus,
On ma denkt, - 's ies aus! 's ies aus! -

Oaber andarn Moja glei,
Ies die Triebsoal schonn verbei.
's kemmt a Brief, a Blumastrauß,
Ei oaller Friehe schonn ei's Haus.

Och die Welt hoot siech verkehrt,
On scheint wieder läbenswert.
Oalles doas, woas gestarn woar,
Doas woar gestarn, - ies doch kloar!

Ma lääft remm, wie rään besoffa,
On fängt wieder oa zo hoffa. -
Der Himmel hängt schier vuller Geija,
Woas draus werd, - es soll siech zieja.

Doas kreemla, doas kamm ausgepackt,
Werd schon wieder eigesackt. -
On ma guckt met biesem Blecke,
Dann zorecke off sei Glecke. -

Doas Gehärrne scheint verwärrt,
Hoot ma siech asu geärrt? -
Woar doas oalles bloos a Traam? -
On ma sucht siech schonn änn Baam. -

Oaber, - wie die Liebe spielt,
Hoots doch woas, woas ma nooch fiehlt. -
A jeder hoot se woll derfoarn,
Der Liebe heimliche Sensor'n.?

Ma ies rään elektresiert!
Es ies possiert! - Es ies possiert! -
On ma glääbt a wieder droa:
Nä, verflemmt etz hellts vleicht oa! -

Erhard Gertler

 


 

Gedichte des Monats Oktober 2006

 

Oabgeärnt

Etz koan ma siech zor Ruhe setza,
Ma brauch kä Woasser nee verfletza,
Ma brauch nee off die Därrde haan,
Na, etz watt's waan. -

Der Goarta dar ies oabgeärnt,
Die Schwoalba hoan siech a verzwärnt,
Es werd a fenster breits eim Nu,
Na, etz werd Ruh. -

Ma koan die Äppel a schon pflocka,
Brauch siech zom Foallobst nemme bocka,
Koan langsam ieber a Roasa giehn,
Na, etz werds schien. -

Verbei die ganze Schenderei,
Doo ei dar klääna Gärtnerei,
Ma koan ganz sachte siech verhaala,
- Bloos, - watt äm nee woas fahla? -

Erhard Gertler

 

Privatwärtschoaft

Nä Ihr Loite, es ies zom Flenn,
Woll eim Aalder met a Zänn!
Blooßiech Papplan, Sepplan soppa,
Siech dermiet die Gusche stoppa.

Wenn die Biester nemme wella,
Koan ma off a Koop siech stella.
Es wolchert oalls eim Maule rem,
Klumpt on poppt, ies doas nee schlemm?

Wenn äbens nischt nee wiel floriarn,
Muuß ma halte reagarn.
Dermiet oalls wieder funktioniert,
Werd die Sache „emstruktriert“.

Die Wärtschoft macht doas aach asu
On dernote hoot se Ruh.
Iech hoa's genau asu gemacht, -
Die Gusche behaala, die Zehne verpacht!

Erhard Gertler

 


 

Gedicht des Monats September 2006

 

Procedamus *

Procedamus! - Lasset uns gehen!
Lasset uns gehen in eine andere Welt.
Procedamus! - Wer kann es verstehen?
Welt, - wohin hast du uns gestellt?

Procedamus! - Kein freiwillig gehen,
In ein Vergehen, im Lauf der Zeit. -
Procedamus! - Wer will es heut sehen,
Der Anderen Leid, das keinem gefällt? -

Procedamus! - (lasset) Wir mussten gehen!
Wohin? - Wohin? - Gar ungewiß. -
Procedamus! - Wer kann es verdrehen? -
Zwischen Gestern und Heute, ein mächtiger Riß. -

Procedamus! - Niemand soll gehen!
Niemand soll gehen, mit Druck oder Zwang.
Procedamus! - Vorbei sind die Wehen,
Doch vom Vergessen wird mir so bang. -

Erhard Gertler

* Procedamus! Lasset uns gehen!
schrieb Pfarrer Rudolf Karger,
am 27. Oktober 1946
in die Pfarrchronik, als er seine
Pfarrei in Gabersdorf verlassen musste.

 


 

Gedicht des Monats August 2006

 

Ferienzeit

Vu'r Ferienzeit,
Ies woas de bleit:
Drei Wocha Sonne
On laar ies die Tonne.

Doas Unkraut vermährt,
Der Hof nee gekährt,
Ei der Welt remmgekorrt
On der Goarta verdorrt.

Die Zeit die woar schien,
Bloos die Oarbt ies geblien.
Woas ma vorher getoon,
Doas kund ma a loon.

Bloos eim Goarta zo liecha,
Doas toat ju nee tiecha.
Ma wullt doch woas sahn,
On woas ies geschahn? -

Die Welt dreht siech wetter,
Ma wurde goar fetter.
Ma woar zwoar a Stecke,
Wullt oaber zorecke.

Woas notzt äm die Welt,
Wenns Derhääme gefällt.
War's Derhääme weil preisa,
Dar muuß halt verreisa.

Erhard Gertler

 


 

Gedichte des Monats Juli 2006

 

Juniorpartner

Man höre und staune!
- Zu Wissen macht Laune. -
Die Herzen sind kalt.
Es zieht jung gegen alt.

Totale Verdichtung.
Rigorose Entpflichtung.
Jetzt aber ran!
Selbst ist der Mann.

Was schert mich die Herkunft!
Was zählt ist die Zukunft.
Bis ich einst so weit,
Ist noch lange Zeit.

Sagt nicht das dies hart wär'.
Ich bin Juniorpartner!
Jeder für sich,
Und ich für mich. -

Erhard Gertler

 

Die Politbowle

Man nehme:

Etwas Wahrheit,
Ein wenig Klarheit,
Viel Verwirrung,
Eine kleine Irrung.

Ein Versprechen,
Einfach zu brechen,
Ohne Probieren,
Sie nicht servieren!

Rühre alles um,
Rede drum rum,
Vergesse was war,
Dann ist alles klar.

Lasse alles sinken,
Man wird sie trinken,
Schmeckt sie auch schal,
Ganz egal. -

Erhard Gertler

 


 

Gedicht des Monats Juni 2006

 

Johannesfoier

Och, es gibt woll hoier,
Andere Johannesfoier!
Denn ma zeicht schonn met a Fengarn,
Wie se doo on datte zengan.
Wie der Raach oam Himmel stieht,
Weil's oa oalla Ecka brieht.

Ju, ma mecht, ohne Bedanka,
Rään vu Wuut a Basem schwenka,
Em die Geister zo verjähn,
Die vum Foier oagezähn,
Die de nooch die Floamma schiarn,
A spektakel bloos verfieharn.

Denn die Geister warn nee miede,
Gaan, on wella a känn Friede.
Erfenda emmer noie Sacha,
Die die Menscha erre macha.
Wella siech oam Streit ergetza:
- Masser wetza! Masser wetza! -

Derbeine wäre doas doch schien,
Em a woarmes Foier stiehn.
Siech a ganza Kärper wärma
On vergassa oalles Härma.
Ieber gliehniche Kohla sprenga,
Goar a Friehlengsliedla senga.

Bloos die Welt, die ies asu,
Nie ies Friede, nie ies Ruh,
Nie gibt siech der Mensch zo Gutte,
Ar bleest miet ei jede Tutte
On wenn's wieder rechtiech brieht,
- Brieht ar miet. -

Erhard Gertler

 


 

Gedicht des Monats Mai 2006

 

Rentner

Schon die Steuer gemacht?
Auch gelacht?
Auch betroffen?
Das Geld nicht versoffen?

Auch gespart,
Auf gut Deutsche Art?
Nun wieder betrogen,
An der Hecke lang gezogen?

Die Steuer gemacht,
Und dabei gedacht:
Es war immer schon so! -
Ach so. -

Erhard Gertler

 


 

Gedicht des Monats April 2006

 

Oaprel! Oaprel!

Och, miech toat die Goalle zwecka,
's woar a färchterlieches Drecka.
Off der rechta Seite woar a Sponna
On a Stecha wie met Groanna. *

Doo lootscht iech halt zom Dokter hie,
Denn es toat doch äbens wieh.
's letzte Moal woarsch Goallagries,
Der Utltraschoall zeicht's glä gewieß. -

Iech sulld ock emmer techtiech trenka,
Sost teet iech nooch eim Gries versenka.
's werd vleicht nooch a biese Deng,
Wenns on zom Operiarn geng!

Etza sproach a vu   R e f o r m a,
Vu hucha Kosten, vu   e n o r m a!
Met ieber siebzich, och Herr je,
Do braucht ma kä Tabeletten nee! -

Ob Siebzich wääß doch jeder glei,
Wie doas doo met daan Schmerza sei,
On, die muuß ma halt derträän,
Toat ar sään. -

"Nu," määnt ar, "ei jedem Foalle,
Guck mer nooch zom Ultraschoalle."
Datt verdreht ar bloos die Aaja:
"Nä," määnt ar, "ies Loft eim Maaja!"

Doas sullt doas ganze Iebel sein,
Drem ließ ar's m'em Rezepte sein.
Nu ja, nu wenn ma äbens nischt fend,
Iss halt blooß a Maajawend.

Doas goab ar ei a Computer nei.
-Zahn Euro zoahlt iech ju schonnt ei, -
On danne kunnt iech wieder giehn:
Nä, woar daos schien! -

Erhard Gertler

* Getreide-Grannen

 


 

Gedicht des Monats März 2006

 

Etz werd's

Der Wenter ies verbei!
Lott die Sonne rei!
Looer Wend gieht doarch die Soota.
Es trellarn schon die Friehlingsboota.
Die Knospa fanga oa zo quella,
Siech ei der Sonne boada wella.
Die kaala Taaje sein zo Ende,
Doas Friehjoahr brängt etza die Wende.

's ies März! 's ies März!
Etz werd's! Etz werd's!
Mier kenna ei a Goarta giehn,
Braucha wenjer Licht verbriehn.
Verbei ies Triebsoalbloosa, - Härma,
Mier tun ons oa der Sonne wärma.
Schniegläcklan sein schon zo sahn!
Na, etz watt's waan.

Erhard Gertler

 


 

Gedicht des Monats Februar 2006

 

Fastnacht

Foasnichzeit

Juche! Etz kemmt die Foasnichzeit,
Die vu Triebsaol ons befreit.
Kääner sät: "Woas sool ock waarn!?"
's ies nooch Zeit zom Fenstersahn.

Ma spielt verreckt on tutt gemecke,
Denn zo korz ies doch die Strecke,
Wu ma rechtiech teebsa koan,
Denn ma weil dervoo woas hoan.

Jeckersch nä, woas ma oalls macht!
Ma sengt on tanzt on hoppt on lacht.
Fräät siech ieber jeda Mest,
Daan ma doch schon glei vergeßt.

Juche! Etz kemmt die Foasnichzeit,
Die vu Triebsoal on befreit.
Doas Laaba scheint wie Zockerlecke,
Dernoo, - ies ma oam aala Flecke.

Erhard Gertler

 


 

Gedicht des Monats Januar 2006

 

Schneemann

Änn Schniemaon baun

Naus, blooß naus, änn Schniemoan baun!
Ma koan daam Denge ju nee traun.
Hoite schmäßt's 'n Plauze raus.
Manne taat's zengst rem ems Haus.

Denn 's gibt nischt nee woas de bleit,
Manne ies 'n andre Zeit,
Manne hoot siechs ieberleet,
Wenn der Wend siech wieder dreht.

Drem Ihr Loite, notzt die Stonda,
Mier sein oa die Zeit gebonda!
Denn die lääft ons schier dervoo!
- On - woas ies dernoo? -

Woas de kemmt ies ungewieß.
War wääß schon woas Manne ies?
Off doas Hoite lott ons traun,
Naus, blooß naus, änn Schniemaon baun!

Erhard Gertler

 


 

Neujahrsgedicht 2006

 

Stern

N u r   M u t

Nur Mut! Nur Mut, zum neuen Jahr!
Es bleibt nicht so, wie's immer war.
Es türmt sich neu, mit jedem Tag,
Die Freude, so wie auch die Plag.

Nur Mut! Nur Mut und zugepackt!
Die Hoffnung wächst, im Stundentackt.
Am Ende winkt dem Mut der Preis,
- Doch wie er aussieht, - keiner weiß. -

Mit Gottes Hilfe, Gottes Kraft,
Wird auch das neue Jahr geschafft,
Im festen Glauben, es wird gut,
N u r   M u t !    N u r   M u t !

Erhard Gertler

 
Begriff-Suche:

Google
Internet
Grafsch. Glatz

 


 

 

 

Zum Mundart-Archiv Zurück zum Mundart-Archiv

 

 

Zur Mundart-Seite Zurück zur Mundart-Seite

 

 

Zur Homepage Zurück zur Homepage

 

 

Nähere Informationen über diese Internetseite erhalten Sie von Dipl.-Ing. Christian Drescher per Kontakt-FormularCounter 1

 

 

© 2006-2008 by Dipl.-Ing. Christian Drescher, Wendeburg-Zweidorf, Kontakt: Feedback-Formular.
Erste Version vom 03.02.2008, letzte Aktualisierung am 23.06.2008.